Íverksetarafeløg í Føroyum

Kom í gongd við títt virksemi við 1 kr.

Nú ber til at stovna íverksetarafeløg í Føroyum. Hetta inniber m.a. at ein kann koma í gongd við sítt virksemi við einum kapitali á 1,- kr. Felagið skal tó samla 25% av árliga yvirskotinum upptil felagskapitalurin er áljóðandi 50.000 kr.

Ymiskar broytingar í partafelagslógini eru gjørdar, sum hava til endamáls at gera tað lættari at stovna og reka vinnufyritøkur.

Til ber nú hjá íverksetarum, sum hava hug at seta gongd á fyritøku, og sum hevur handilsligar møguleikar, men sum í byrjanini ikki hevur tørv á størri kapitalgrundarlagi, at stovna felag og koma lættari ígongd. Eitt íverksetarafelag er eitt kapitalfelag, har ábyrgdin er avmarkað, og eigararnir ikki hefta persónliga fyri skyldur felagsins. Sostatt var frá 1. Januar 2017 møguligt at seta á stovn íverksetarafelag við avmarkaðari ábyrgd við einum kapitali á 1 kr.

Sostatt kunnu íverksetarar nú stovna fyritøku innan fyri vinnufelagasrættarligar rammur við fíggjarliga avmarkaðari ábyrd.

Íverksetarafeløg skulu skrásetast hjá Skráseting Føroya.

Sp/F Decision 3 (GreenSteam)

GreenSteam er sprotin frá eini PHd verkætlan, sum 3 granskarar gjørdu á DTU. Til verkætlanina fingu hesir eisni víðaristuðul frá Grannskingarráðum. Endamálið við verkætlanini var at finna eina loysn, sum skuldi hjálpa reiðaríum at spara olju á skipaferðslu teirra. GreenSteam Optimisrer skipanin fær til vega og samlar øll dáta saman beinanvegin “real time” meðan skipið siglir. Hvørt minutt verða dáta samlaði um øll viðurskifti umkring skipið, soleiðis at tað ber til at mála og máta allar parametrar herí aldumáting, veður, tyngd á skipinum v.m. fyri síðan beinanvegin at trimma ferð og kós til viðurskiftini á mest effektiva hátt, so sparast kann mest møgulig av oljunýtsluni.

Framtak gjørdi íløguna í felagið í 2009 saman við P/F Royndini. Seinni varð kapitalurin hækkaður aftur, tá kom íløgufelagið P/F Birting hjá BankNordik við. Í 2013 eydnaðist at fáa útlendskar íleggjara við, tá komu BP Castrol inn í felagið.

Les meira um felagið her: http://greensteam.com/

P/F iNOVA

Granskarasetrið iNOVA byrjaði sítt virksemi í juni 2013, Granskarasetrið er úrslitið av einum samstarvi millum privatar og almennar fyritøkur. Endamálið var at styrkja vísindaliga undirstøðukervið í Føroyum, stovnararnir av felagnum vóru P/F Fiskaaling, Felagið Nótaskip, P/F Bakkafrost, P/F Havsbrún, TF Holding, Framtak, P/F Luna, P/F Marine Harvest Faroes, Sp/f Tavan og MBM.

Í Granskarasetrinum er eitt serstakt vísindaligt umhvørvi, tí bæði privatar og almennar fyritøkur granska undir sama taki. Hendan samansetingin gevur betri atgongd til framkomin tól og samstarv millum granskararnar. Í iNOVA hava bæði privatar og almennar fyritøkur atgongd til nýmótans starvsstovur, framkomin tól og skrivstovur.

Eisini hava einstakir granskarar møguleika at leiga starvsstovupláss í Granskarasetrinum iNOVA eru íalt 16 pláss at leiga vistarum. Vistarar í Granskarasetrinum hava atgongd til starvsstovu- og skrivstovupláss, fundarhølið, tól v.m.

Les meira um felagið her: http://inova.fo/

 

 

 

 

Sp/F Frakt og Sandsølan

Felagið var stovnað aftur í 1966, tá var høvuðsvirksemi sandgrevstur….

P/F Tutl International

P/F Tutl International var stovnað í 2012. Endamálið við felagnum var at menna og víðka søluna á útlendska marknaðinum. Saman við TF Íløgum og Royndini var Framtak við frá byrjan. Sjálvt plátufelagið TUTL var stovnað aftur í 1977, tað hava umleið 100 tónleikarar latið út útgávur gjøgnum plátufelagið TUTL.

Tað er nú serliga innan digitalu útgávurnar, sum og konsertir uttanlands, sum TUTL International hevur samla seg um. Íløgan frá fíggjarligu íleggjarunum hevur givið møguleika fyri at gera sáttmála við altjóða fyritøku um samskipan og fyrireiking av konsertferðum, bíleggingar og aðra sølu við útvaldum tónleikarum,sum eru knýttir at TUTL plátufelagnum. Hetta hevur givið ein støðugan vøkstur í søluni í útlandinum – serliga innan digitala sølu.

Les meira um felagið her: http://tutl.com

Skansi Offshore (P/F 6. september 2006 )

Skansi Offshore veitir tænastur innan frálandavinnu um allan heimin, men hava eina serliga ekspertisu í norsku oljuvinnuni. Hetta hevur verið møguligt, tá felagið hevur eina trygga og álítandi tænastu. Felagið er skrásett í Føroyum og hevur einans føroyska arbeiðsmegi.

Í tíðindaskrivi frá 29. juni 2016 verður m.a. nevnt at skipið “Eldborg”, sum er bygt á Fjellstrand skipasmiðjuni fyri 7 árum síðani, ongantíð hevur verið rapporterað fyri LTA skaðar. Felagið vísir á, at er hetta eisini er takka fyri starvsfólkunum umborð á Eldborg, sum í fleiri førum eru tey somu, sum byrjaðu fyri 7 árum síðani.

Framtak gjørdi íløgu í felagið í 2011.

Les meira um felagið her: http://www.skansi.fo/

FarPay

FarPay loysnirnar virka fyri at hjálpa til at fáa peningin inn til tíðina. Við FarPay ger tað lættari og skjótari fyri fyritøkur at fáa sínar kundar at rinda fakturar. Við FarPay loysnini ber til at gjalda við øllum verandi gjaldsloysnum, eisini sjálvvirkandi gjaldingum. Koma nýggjar gjaldsloysnir ber til eisini at nýta hesar.

FarPay byrjaði virksemi í 2014, og longu nú eru meiri enn xx fyritøkur, ið nýta sipanina hjá FarPay í Føroyum. Felagið var longu í 2015 klárt at fara út á útlanda marknaðin. Tá gjørdi Framtak íløguna í felagið, hetta saman við fígging frá danska Vækstfonden hevur felagið veruliga fingið gott fótafesti á danska marknaðinum fyri gjaldsloysnir. Í 2016 fekk felagið enn ein fíggarligan styrk, tá tveir danskir “seriu íverksetarar” ynsktu at seta partapening í FarPay.

Les meira um felagið her: http://www.farpay.io/dk/

 

 

Sp/F Guðrun & Guðrun

Felagið sniðgevur, framleiðir og selir klæðir í luksusklassa.

Framtak setti pening í felagið í 2007. Ein kapitalinnspræning frá Framtaksgrunni Føroya saman við øðrum var við til at gera klædnamerkið Guðrun & Guðrun enn kendari í altjóða mótaverðini.

Íløgan merkti, at Guðrun & Guðrun kundu satsa enn meira upp á altjóða marknaðin, og selja nú í øllum heiminum.

 

www.GudrunGudrun.com

P/F Conseco (Amplexa)

Endamál felagsins er at eiga partapening í dótturfeløgum, arbeiða við ílegu- og DNA-kanningum og øðrum virksemi í hesum sambandi.

Tá Amplexa Genetics byrjaði virksemi við, var tað fyri at bjóða seg fram sum ein alternativ starvsstova innan ílegukanning. Ætlanin var, at kanningarstovan skuldi vera eitt skjótari og bíligari tilboð til sjúkrahúsini í Danmark og Føroyum. Fíggjarligir íleggjarar vóru við í verkætlanini frá byrjan, tað var fyrst við partapeningi frá Norðoyagrunninum. P/F Royndin og Framtak komu inn í felagið í 2013.

Fyrstu árini savnaði felagið seg serliga um ílegukanngar innan krabbameinssjúkum. Í dag er høvuðsøki serliga at veita kanningar úrslit innan epilepsi. Amplexa Cenetics hevur, í tøttum samstarvi við miðstøðir innan øki og førandi serfrøðingum á økinum, ment eitt “panel”, sum ger sera viðkomandi kanningar innan hetta kliniska økið. Felagið veitir soleiðis epilepsi diagnostik til starvsfólk innan heilsurøkt kring allan knøttin.

Les meira um felagið her: http://www.amplexa.com