550100 / 213193 framtak@framtak.fo

Um FRAMTAK

Leikluturin hjá Framtak

Framtak hevur ein serstakan leiklut í føroyska samfelagnum. Sum váðafúsur og tolin íleggjari, ger Framtak íløgur í føroyskt vinnuliv við at seta partapening í og við at veita ábyrgdarlán til nýggjar og eldri føroyskar fyritøkur.

Framtak er ein vinnurekandi grunnur og virkar eftir marknaðartreytum eins og vinnan sjálv. Tískil er leikluturin hjá Framtak sum partaeigari avmarkaður til, at fyritøkan hevur fingið gott sølubæri.

Møguligi vinningurin av søluni verður nýttur til at gera fleiri íløgur í føroyskar fyritøkur, sum grunnurin metir hava menningar-møguleikar.

Í einum altjóðagjørdum heimi virkar føroyskt vinnulív eftir somu altjóða marknaðartreytum sum altjóða vinnulív. Fortreytir broytast skjótt og nýggir møguleikar stinga seg upp. Tað er m.a. tí av alstórum týdningi, at nýggjar fyritøkur royna seg og eldri fyritøkur tillaga seg.

Hetta virksemi krevur kapital og ein tolnan íleggjara sum Framtak. Ein grunnur ið sær møguleikan fyri avkasti í langtíðarætlanum.

Starvsfólk

Ben Arabo

Ben Arabo

Stjóri

Telefon: 550100
ben@framtak.fo

Vivi Egholm

Vivi Egholm

Ráðgevi

Telefon: 213193
vivi@framtak.fo

Nevndin

Nevndin í Framtaki er vald fyri fýra ár í senn. Leikluturin hjá nevndini er at taka støðu til umsóknir og sølu av íløgum.

Christian Danielsen

Christian Danielsen

Nevndarformaður

Rúnar Reistrup

Rúnar Reistrup

Næstformaður

Kristine Ellingsgaard

Kristine Ellingsgaard

Nevndarlimur

Guðrið Højgaard

Guðrið Højgaard

Nevndarlimur

Marita Rasmussen

Marita Rasmussen

Nevndarlimur

Mál & mið

Okkara visjón er, at Framtak varðveitir ein virknan leiklut, sum íleggjari í føroyskt vinnulív. Okkara endamál er at virka sum kveikjari fyri at menna og fjøltátta føroyska vinnulívið, samfelagnum at gagni.

Framtak hevur eina serstaka uppgávu. Vit vilja virka sum ígongdsetari í føroyskum vinnulívi, bæði tá ið tað snýr seg um eldri siðbundin feløg og møguligar framtíðar fyritøkur.

Sum vágafúsur og tolin íleggjari, hava vit møguleika at menna vinnur, har nýskapan og langtíðarætlanir eru neyðugar, og fíggjarligi vinningurin kanska ikki er her og nú, men longri frammi í tíðini.